شاطر
اذهب الى الأسفل

قصيده في جاك وروز

في الإثنين 7 فبراير - 2:08






بسم الله الرحمن الرحيم

السلام عليكم ورحمة الله وبركاته





على ذاك الغرام اللي جرى مابين روز وجاك
بكت عيني على منظر غرامٍ في البحر ضاعي

عسى الله يرحمك ياجاك وشلون الزمان اشقاك
لو انك ماربحت التذكره مامت مرتاعي

ولا كان القدر لاجمل هنوفٍ شفتها وداك
الينٍ صرت تتبعها كما القطعان والراعي

على متن السفينه كان ربي له كتب لقياك
بعد ماروز من عشرة ردي النفس تلتاعي

نوت تنسى بلاويها وتقتل نفسها لولاك
عطيته كلمةٍ حلوه ولبى الشور ثم طاعي

تزلق من على ذاك السياج وشدته يمناك
ولولا ماسحبته فوق كان الحظ له باعي

كبرت بعينه وحبك ولكن خاطبه عاداك
وقال ان لك بها قصدٍ وسوى نفسه الواعي

وحامت روز من دونك وموقفها بقصد رضاك
وجاتك تشكرك والحب في نظراتها شاعي

سألها وش مدى حبك لمن كانه سبب بلواك
وردت لاتجادلني وغادر حد مرباعي

عجبها شوف رسماته وقالت ياحبيبي جاك
ابيك الحين ترسمني بلا ملبوس وقناعي

عليها (الجوهره تشعى وردف وخصرها منحاك)
ومنا تبتدي قصة غرام اثنين مولاعي

وحطت في خزانة(كال)صورتها تبي ولماك
ولكن غيرته شبت خفوقه حسد واوجاعي

وركب تهمة السرقه ونوى بالغدر يدهاك
وقصده من ورى التهمه على تفريقكم ساعي

ولكن روز عادت لك وقامت تستمع دعواك
تخلص قيد كفينك بعد فعلات شناعي

بدت تغرق سفينتهم وهي تنطق انا وياك
مدام اني على صدرك فانا مافيني افزاعي

ولكنها بدت تبكي انا احبك انا اهواك
الى من بالغرق عمت سفينة روز بهلاعي

وجاوبها انا ماقدر على بعدك ولانسياك
ومد الكف في كفه وكان الموج قطاعي

سحبها الموج من كفه وضاعت بين ذاك وذاك
بعد ماشفت موقفهم غرقت الجفن بدماعي

ولكنه بقى يسبح وعن موج الغرق عداك
هذاك احلا غرامٍ شفت واللي غيره خداعي

حقيقه مجدي ياروز خلٍ من غلا يفداك
يعاهدها وهي تبكي على فرقاه وتلاعي

اخيرا مات في وسط الجليد ويالله بفزعاك
بعد ما انقذ حبيب القلب ثم علاه بشراعي

وكادت روز من حبك تموت وجرحها فرقاك
ولولا وعدها كان ارتمت في البحر بسراعي

بكيت ومابقى عندي صبر من قصتك ياجاك
ولا ظني يلام اللي من الهجران ملتاعي

تحياتيـ:ـ


رد: قصيده في جاك وروز

في الإثنين 7 فبراير - 2:10
انشاء الله اكون وفقت فى طرحى للموضوع
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى